वेबटिभी खबर
काठमाडौं । नेपाली कांग्रेसका सांसद रामहरी खतिवडाले उपसभामुख इन्दिरा राना मगरले राजीनामा दिएर छानविनमा सघाउन माग गरेका छन् ।
प्रतिनिधिसभाको आइतबार बसेको बैठकमा उनले उपसभामुखले कार्यालय र संसद्लाई भिसा सहजिकरणको कन्सल्टेन्सी बनाएको भन्दै राजीनामाको माग गरेका हुन् ।
उनले भने, ‘भिसा सहजिकरणको कन्सल्टेन्सी उपसभामुखको कार्यालय र संसद् हुन सक्दैन । कन्सल्टेन्सी जस्तो नबनाइयोस् । चिन्दै नचिनेको मान्छेको सिफारिस कसरी गरियो ? छानविन हुनुपर्छ ।’
केही दिन अगाडि उपसभामुखले पाँच जनालाई अमेरिकाको भिसा दिनको लागि सिफारिस गर्न लेखेको पत्र सार्वजनिक भएको थियो ।
Copyright © All right reserved to webtvkhabar.com Site By: Sobij
