तेल अभिभ । इजरायल आफ्ना धेरै जनसंख्यालाई कोरोना भाइरसविरुद्धको खोप लगाइसक्ने विश्वका थोरै देशमध्ये एक हो । सोमबार इजरायली अधिकारीहरुले देशमा डेल्टा भेरिएन्टकाे संक्रमण बढ्दै जाँदा र सामाजिक दूरीका नियम खुकुलो बनाउनाले फाइजर खोपको प्रभाव कम देखिएको बताएका छन् । 

स्वास्थ्य मन्त्रालयका अनुसार ६ जुनपछि संक्रमण प्रसार रोक्न खोपको असर ६४ प्रतिशत पुगेकाे छ। तर मानिसहरुलाई गम्भीर रुपमा बिरामी हुन र अस्पतालमा भर्ती हुनबाट बचाउनका लागि खाेप ९३ प्रतिशतसम्म प्रभावकारी हुन आवश्यक रहेको बताएकाे छ । 

मन्त्रालयले यसभन्दा अगाडि खोपको प्रभाव स्तर कति थियो भनेर केही बताएको छैन । तर मे महिनामा एक रिपोर्टमा फाइजर खोपको दुई डोज लिएपछि संक्रमण, अस्पतालमा भर्ना एवं गम्भीर बिरामीमा ९५ प्रतिशत सुरक्षा हुने भनिएकाे थियो । 

यसबारेमा फाइजरका प्रवक्ताले इजरायली तथ्यांकमाथि टिप्पणी गर्न मानेनन् । तर उनले एक अनुसन्धानलाई उधृत गर्दै डेल्टा भेरिएन्टसहित अहिलेसम्म भेटिएका सबै प्रकारका कोरोना भाइरसको स्ट्रेनमा खोप प्रभावशाली रहेको बताए । 

इजरायलको ९३ लाख जनसंख्यामध्ये ६० प्रतिशतले फाइजर खोप लगाएका छन् । जनवरीमा इजरायलमा दैनिक १० हजार संक्रमित भएका थिए । अहिले भने संक्रमितको संख्या घटेर दैनिक १० जनाभन्दा कम भएको छ । इजरायलले सामाजिक दूरी र मास्कका कारण संक्रमण कम भएको थियो । मास्क फ्रि बनाएको १० दिन पछि नै संक्रमण बढेपछि पुनः मास्क अनिवार्य लगाउनु पर्ने नियम लागू भयो । 

डेल्टा भेरिएन्टका कारण दैनिक ३ ४ सय जना संक्रमित भइरहेका छन् । संक्रमणपछि जटिल बिरामी हुनेहरुको संख्या पनि बढेको छ । इजरायलको वाइजम्यान इन्स्टिट्युट अफ साइन्सका वैज्ञानिक एरन सिगलले भने गम्भीर बिरामी हुनेको संख्या खासै धेरै नभएकाले पहिलो लहरमा जस्तै धेरै संक्रमित अस्पताल भर्ना नहुने स्थिति देखिएको बताएका छन् । 

इजरायल विश्वको पहिलो मास्क फ्रि देश  इजरायलः खोप लगाएका व्यक्तिलाई ग्रीन पासपोर्ट इजरायलमा फाइजरको खोप ९५.८ प्रतिशत प्रभावकारी भएको दाबी