मुकेश झा
सर्लाही । सर्लाहीको हरिपुर्वा नगरपालिका–३ धनकौलका ७५ वर्षीय राजनारायण रायको हत्या भएको छ ।
टाउकोको पछिल्लो भागमा चोटपटक लागेको अवस्थामा राय आफ्नै गोठमा मृत फेला परेको जिल्ला प्रहरी कार्यालय सर्लाहीले जनाएको छ । उनको हत्या भएको हुनसक्ने प्रहरी अनुमान छ ।
बुधबार दिउँसो करिब ३ बजे नै राय मृत अवस्थामा फेला परेको सूचना प्रहरीलाई गरिएको थियो । प्रहरीले घटनास्थल प्रकृति मुचुल्का र प्रारम्भिक अनुसन्धानमा समय लागेकाले शव बिहीबार मात्र पोष्टमार्टमका लागि लगिने भएको छ ।
प्रहरीले अनुसन्धानका लागि तालिमप्राप्त कुकुर पनि मगाएको छ । राय मृत भेटिएको गोठ एकान्त स्थानमा रहेको प्रहरीले जनायो ।
Copyright © All right reserved to webtvkhabar.com Site By: Sobij
