Logo

२०८३, कार्तिक २५ गते मंगलवार

Logo

२०८३, कार्तिक २५ गते मंगलवार

यी नदीहरूमा बाढीको उच्च जोखिम

यी नदीहरूमा बाढीको उच्च जोखिम

  • 903
    SHARES
    • यी नदीहरूमा बाढीको उच्च जोखिम

    काठमाडौं । देशका विभिन्न नदीहरूमा बाढी आउने भएकोले तटीय क्षेत्रमा सतर्कता अपनाउन बाढी पूर्वानुमान महाशाखाले आग्रह गरेको छ । बुधबारदेखि मनसुनी गतिविधि फेरि सक्रिय बनेको र अधिकांश भू-भागमा अति भारी वर्षा हुने भएकाले बाढीको जोखिम बढेको महाशाखाले जनाएको छ । कोशी, कर्णाली, महाकाली र यसका सहायक नदीमा बहाव स्थिर अवस्थामा रहेको तर नारायणी र यसका सहायक नदीमा बहाव बढ्दो क्रममा रहेको महाशाखाले जानकारी दिएको छ । दिउँसोसम्म यी नदीहरूमा बहाव उल्लेख्य बढ्ने पूर्वानुमान गरिएको छ ।

    कर्णाली, महाकाली र यसका सहायक नदीमा बहाव सामान्त्य रहने, तमोर, भोटेकोशी, सुनकोशी लगायत कोशीका सहायक नदीहरु, तथा त्रिशूली, बुढीगण्डकी, कालीगण्डकी, मर्स्याङ्दी लगायत नारायणीका सहायक नदीहरुमा बहाव उल्लेख्य बढ्ने र केहीमा सतर्कता तह आसपास पुग्न सक्ने महाशाखाले पूर्वानुमान गरेको छ । यस्तै पश्चिम राप्ती र बबई नदीको बहाव सामान्य रहने, पूर्वी राप्ती, कमला, बागमती र कन्काई जलाधारका केही सहायक नदीमा मध्यमदेखि भारी वर्षा भएर बहाव उल्लेख्य बढ्ने र सतर्कता तह आसपास पुग्ने अनुमान गरिएको छ ।

  • सम्बन्धित विषय:

  • # नदी
  • # जोखिम
  • # बाढी
    • ताजा अपडेट
    धेरै पढिएको

    Copyright © All right reserved to webtvkhabar.com Site By: Sobij