वेबटिभी खबर
नयाँ दिल्ली । कोरोना भाइरसको दोस्रो लहरबाट सर्वाधिक प्रभावित भारतमा अब संक्रमणको दर निकै घटेको छ ।
दैनिक संक्रमितको संख्या र मृत्यु दर दुबै घटेको भारतीय स्वास्थ्य मन्त्रालयले जनाएको छ ।
भारतमा पछिल्लो २४ घण्टामा ५८ हजार ४१९ जना कोरोना भाइरसका नयाँ संक्रमित थपिएका छन् । दैनिक संक्रमितको संख्या ८१ दिनपछि ६० हजारभन्दा तल झरेको हो ।
त्यसैगरी यो अवधिमा ८७ हजार ६१९ जना संक्रमित निको भएका छन् । भारतमा लगातार ३८ दिनदेखि नयाँ संक्रमित थपिनेभन्दा निको हुने संख्या बढी छ ।
अर्काे सुखद पक्ष भनेको भारतमा संक्रमणबाट मृत्यु हुनेको संख्या पनि घट्दै गएको छ । शनिबार एक हजार पाँच सय ७६ जनाको संक्रमणबाट निधन भएको मन्त्रालयले जनाएको छ ।
भारतमा अहिलेसम्म २७ करोड ६६ लाख ९३ हजारलाई कोरोनाविरुद्धको खोप लगाइ सकिएको छ । शनिबार एकै दिनमा ३८ लाख १० हजारजनालाई खोप लगाइएको थियो ।
भारतमा संक्रमण दैनिक २.९८ प्रतिशतले कम हुँदै
Copyright © All right reserved to webtvkhabar.com Site By: Sobij
