वेबटिभी खबर
काठमाडौं । नेपाल समाजवादी पार्टीका अध्यक्ष एवं पूर्वप्रधानमन्त्री डा.बाबुराम भट्टराईले गृह जिल्ला गोरखा पुगेर जनतासँग त्यहाँकाे समग्र विकासबारे छलफल गरेका छन् ।
सोमबार गोरखा पुगेका पूर्वप्रधानमन्त्री भट्टाईले मंगलबार गोरखाको सिरानचोक गाउँपालिका-३ बयपानीका जनताको गुनासो सुनेका हुन् ।
डा.भट्राई समक्ष त्यहाँका जनताले सडक स्तरोन्नति नभएको, खानेपानीको अभाव रहेको र विद्युत आपूर्ति नियमित नभएको गुनासो गरेका छन् ।
स्थानीयले गोरखासँगै जोडिएको लमजुङ जिल्लाले विकासको क्षेत्रमा फड्को मार्न सफल भएपनि गोरखाले त्यसको फाइदा लिन नसकेको बताएका छन् ।
सोही क्रममा डा. भट्टराईले गोरखाको विकासका लागि आफू सुरुदेखि नै लागेको बताएका छन् । उनले आफू विकास योजनाकै विद्यार्थी पनि रहेको जनाउँदै योजनाबद्ध गोरखाको विकास भइरहेको जानकारी दिए ।
Copyright © All right reserved to webtvkhabar.com Site By: Sobij
