वेबटिभी खबर
नयाँ दिल्ली । भारतमा ६३ दिनपछि दैनिक कोरोना संक्रमितको संख्या एक लाखभन्दा कम पाइएको छ । केही दिनयता निरन्तर संक्रमित घट्ने क्रम जारी छ ।
भारतको केन्द्रीय स्वास्थ्य मन्त्रालयका अनुसार आइतबार ८७ हजार २ सय ९० जना कोरोना भाइरसका नयाँ संक्रमित भेटिएका हुन् । यसअघि गत ५ अप्रिलमा दैनिक संक्रमित ९६ हजार ५६३ थिए ।
यो अवधिमा संक्रमणमुक्त हुनेको संख्या भने एक लाख ८५ हजार ७४७ छ । नयाँ संक्रमित थपिने क्रम घट्दो र निको हुने क्रम बढ्दो भएसँगै भारतमा दोस्रो लहरको प्रभाव कम हुँदै गएको अनुमान गरिएको छ ।
झण्डै ४० लाख पुगेको सक्रिय संक्रमितको संख्या पनि घटेर अहिले १२ लाख ९७ हजार मात्र छ ।
त्यसैगरी संक्रमणबाट मृत्यु हुनेको संख्या पनि घट्दो क्रममा देखिएको छ । आइतबार दुई हजार ११५ जनाको संक्रमणका कारण निधन भएको छ । मृत्यु हुनेको संख्या पनि पछिल्लो ४६ दिन यताकै कम हो ।
Copyright © All right reserved to webtvkhabar.com Site By: Sobij
