वेबटिभी खबर
जनकपुर । नेपाली कांग्रेसका नेता बालकृष्ण खाणले नागरिकता विधेयक प्रमाणीकरण गरिदिन राष्ट्रपति रामचन्द्र पौडेललाई रूपमा आग्रह गरेका छन् ।
जनकपुरमा आइतबार नेपाल प्रेस युनियन धनुषाले गरेको पत्रकार सम्मेलनमा उनले नागरिकता विधेयक प्रमाणीकरण गरिदिन राष्ट्रपति पौडेललाई सार्वजनिक रूपमा आग्रह गरेका हुन् ।
संघीय संसदका दुवै राष्ट्रिय सभा र प्रतिनिधिसभाले पारित गरेर पठाएको नागरिकता विधेयक तत्कालीन राष्ट्रपति विद्यादेवी भण्डारीले प्रमाणीकरण नगरी रोकेर राखेकी थिइन् ।
तर अहिले नयाँ राष्ट्रपतिको रुपमा रामचन्द्र पौडेल छन् ।
नागरिकता विधेयक प्रमाणीकरण गर्नुपर्ने पक्षमा कांग्रेस रहँदै आएको बेला पूर्वगृहमन्त्री समेत रहेका खाणले नागरिकता विधेयक प्रमाणीकरण गरिदिन राष्ट्रपतिसँग आग्रह गरेका हुन् ।
Copyright © All right reserved to webtvkhabar.com Site By: Sobij
