वेबटिभी खबर
जेनेभा । भियतनाममा देखिएको कोरोना भाइरसको भेरिएन्ट नयाँ नभएको विश्व स्वास्थ्य संगठनले बताएको छ । जापानी समाचारपत्र निक्केई एसियासँग दिएको अन्तर्वार्तामा संगठनका प्रतिनिधिले उक्त भेरिएन्ट भियतनामका अधिकारीले भनेको जस्तो बेलायत र भारतमा भेटिएका भेरिएन्टको मिश्रित रुप नभएको बताएका हुन् ।
संगठनका प्रतिनिधि किडोङ पार्कले भारतमा भेटिएको डेल्टा भेरियन्टको एउटा स्वरुप भएको र यो संक्रामक रहेको बताए । गत शनिबार भियतनामका स्वास्थ्यमन्त्री नुगेन थान लंगले कोरोनाको धेरै खतरनाक नयाँ संस्करण फेला परेको जानकारी दिएका थिए ।
बेलायत र भारतमा फेला परेको पहिलो भाइरस प्रकारको मिश्रित रूप धेरै घातक भएको बताइएको थियो । नयाँ भेरिएन्ट भेटिएको आशंकापछि भियनामले हो ची मिन्ह सहरका सबै बासिन्दालाई कोरोना परीक्षण गर्ने भएको छ ।
भियतनाममा नयाँ भेरिएन्ट भेटिएको हो ची मिन्ह सहरका सबै बासिन्दाको परीक्षण गर्ने 
भियतनाममा भेटियो कोरोना भाइरसको नयाँ भेरिएन्ट
Copyright © All right reserved to webtvkhabar.com Site By: Sobij
