वेबटिभी खबर
काठमाडौं । राष्ट्रपति रामचन्द्र पौडेलले राष्ट्रपति पदको शपथ ग्रहण गरेपछि प्रतिनिधिसभा सदस्यबाट राजीनामा दिएका छन् ।
उनी यही फागुन २५ गते राष्ट्रपति पदमा निर्वाचित भएका हुन् । राष्ट्रपति पौडेलले सभामुखलाई पत्राचार गर्दै नेपालको संविधानको धारा ६२ (६) बमोजिम प्रतिनिधिसभा सदस्यको राजनैतिक पद स्वतः रिक्त हुने व्यहोरा जानकारी गराएका हुन् ।
साथै उनले सभामुख, संघीय संसद् सचिवालय, तनहुँ निर्वाचन क्षेत्र नं १ का मतदाता, जिल्लावासी तथा शुभेच्छुकहरूबाट आजसम्म प्राप्त साथ र सहयोगप्रति आभार प्रकट गरेका छन् ।
Copyright © All right reserved to webtvkhabar.com Site By: Sobij
