वेबटिभी खबर
चितवन । नेपाल बालविकास शिक्षक चितवन जिल्ला अध्यक्ष रेखा रानाभाटको नेतृत्वमा भोलि पुस ३० गते ‘नेपाल बालविकास शिक्षक पहिलो राष्ट्रिय भेला’ हुने भएको छ ।
भेला बिहान ११ बजे जिल्ला समन्वय कार्यालय भरतपुर–१० मा हुने बताइएको छ ।
बालविकास शिक्षकहरूको वर्तमान अवस्थाका विषयमा भेलामा छलफल हुने अध्यक्ष रानाभाटले जानकारी दिइन् ।
उनले कोही कसैलाई पक्षपात वा निषेध नगरी इसीडी शिक्षकहरूको सल्लाहसुझाव लिएर आफू अगाडि बढ्न चाहेको बताइन् ।
देशभरका सम्पूर्ण बालविकास शिक्षकहरूलाई भेलामा आमन्त्रण गरिएको उनको भनाइ छ ।
भेलाका लागि विभिन्न जिल्लाबाट इसीडी शिक्षकहरू चितवन आउनेक्रम सुरु भइसकेको छ ।
Copyright © All right reserved to webtvkhabar.com Site By: Sobij
