वेबटिभी खबर
अंकारा । टर्कीको लोकप्रिय पर्यटकीय गन्तव्य क्यापाडोसियामा मंगलबार तातो हावायुक्त बलुन दुर्घटना हुँदा २ स्पेनी पर्यटकको मृत्यु हुनाका साथै अन्य ३ जना घाइते भएको स्थानीय अधिकारीहरूले बताएका छन् ।
एक निजी कम्पनीको बलुन नेभसेहिर प्रान्तको एभानोस जिल्लाको जेल्भ भग्नावशेषबाट उडेको र अप्रत्याशित गतिमा आएको हावाका कारण किलिक क्षेत्रमा आकस्मिक अवतरण गरेको प्रान्तीय कार्यालयले जनाएको छ ।
बलुनमा कुल २८ यात्रु र २ जना चालक दलका सदस्य सवार थिए । प्रारम्भिक जानकारी अनुसार दुर्घटनाको कारण हावाको गतिमा अप्रत्याशित वृद्धि भएको विज्ञप्तिमा उल्लेख छ ।
प्राकृतिक चट्टान संरचनायुक्त उपत्यका, भूमिगत बस्तीहरू, गुफा होटलहरू एवम् ऐतिहासिक गुम्बाहरू भएको क्यापाडोसिया तातो हावायुक्त बलुन सवारीहरूको लागि परिचित छ ।
यो यस्ता प्रसिद्ध विश्वभरका गन्तव्यहरू मध्ये एक हो । यहाँ आगन्तुकहरूले उचित मौसमका कारणले लगभग वर्षैभरि बलुन सवारीको आनन्द लिन सक्छन् ।
Copyright © All right reserved to webtvkhabar.com Site By: Sobij
