वेबटिभी खबर
लमजुङ । प्रतिनिधिसभातर्फ एक र प्रदेशसभातर्फ दुई निर्वाचन क्षेत्र रहेको लमजुङमा उम्मेदवारका आकांक्षी धेरै छन् । विशेषगरी नेकपा एमाले, नेपाली कांग्रेस र नेकपा माओवादी केन्द्रमा प्रत्यक्षतर्फ धेरै आकांक्षी छन् ।
मुख्य तीन दलले ३२ जनाको नाम सिफारिस गरेका छन् । प्रत्यक्षमा सिफारिस गर्दा महिला र पुरूषको अनुपात मिलाउन केन्द्रले भने पनि धेरैजसो पुरूष मात्र सिफारिसमा परेका छन् ।
नेकपा माओवादी केन्द्रले मात्र एकजना महिलालाई प्रत्यक्षतर्फ सिफारिस गरेको छ । समानुपातिकमा भने जिल्लाबाट ६३ जनाभन्दा बढी उम्मेदवारको नाम सिफारिस भएको छ ।
जसमा अधिकांश महिला छन् । जिल्लाबाट सिफारिसमा परेकाहरू टिकटका लागि शीर्ष नेता रिझाउन राजधानी धाउन थालेका छन् ।
Copyright © All right reserved to webtvkhabar.com Site By: Sobij
