वेबटिभी खबर
जेरुसेलम । इजरायलका प्रधानमन्त्री याइर लापिड र टर्कीका राष्ट्रपति रेसेप तयीप एड्रोगानबीच मंगलबार भेटवार्ता भएको छ ।
दुई देशका ती नेताहरूबीच सन् २००८ पछि पहिलो पटक भेटवार्ता भएको अधिकारीहरूले जानकारी दिएका छन् ।
संयुक्त राष्ट्रसंघको ७७औं महासभामा सहभागी हुन न्युयोर्क गएको बेला उनीहरूका बीचमा भेटवार्ता भएको हो ।
जापिडको सचिवालयले जारी गरेको वक्तव्यमा अनुसार उनीहरूले दुई देशबीचको सम्बन्ध सुधार गर्ने बारेमा छलफल गरेका थिए ।
साथै दुई पक्षीय हित, साझा चासो र सरोकारका विषयमा पनि उनीहरूका बीचमा छलफल भएको जनाइएको छ । उनीहरूले विषेश गरेर आर्थिक तथा उर्जा सहकार्यका बारेमा छलफल केन्द्रित गरेका थिए ।
दुई देशका बीचमा गत अगस्टमा पूर्ण रूपमा कुटनीतिक सम्बन्धलाई ब्यूँताउने सम्झौता भएको थियो ।
Copyright © All right reserved to webtvkhabar.com Site By: Sobij
