वेबटिभी खबर
काठमाडौं । सर्वाेच्च अदालतले अख्तियार दुरुपयोग अनुसन्धान आयोगले गर्दै आएको ‘स्टिङ अप्रेसन’ लाई रोक लगाएको छ ।
प्रधानन्यायाधीश चोलेन्द्र शमशेर जबराको नेतृत्वमा न्यायाधीशहरू मीरा खड्का, हरिकृष्ण कार्की, दीपककुमार कार्की र ईश्वरप्रसाद खतिवडा सहितको संवैधानिक इजलासले स्टिङ अप्रेसन गर्न नपाउने आदेश दिएको हो ।
घुस वा सेवा शुल्कबाहेकको रकम अख्तियारका कर्मचारीले आफैं दिँदै अख्तियारले गर्दै आएको स्टिङ अप्रेसनले व्यक्तिको स्वतन्त्रता र मर्यादामा आँच पुर्याउने र संविधानले सुनिश्चित गरेको मौलिक हकविरुद्ध समेत हुने भन्दै अधिवक्ता विष्णुप्रसाद घिमिरेले ०७४ पुस ९ गते संवैधानिक इजलासमा निवेदन पेश गरेका थिए ।
घिमिरेले निवेदनमा सो अप्रेसन संविधानले सुनिश्चित गरेको व्यक्तिको गोपनीयता, मर्यादा र स्वतन्त्रताविरुद्ध भएको र आयोगको नियमावलीको नियम ३० मा भएको स्टिङ अप्रेसनको प्रावधान संविधानसँग बाझिएको तर्क गरेका थिए ।
सोही निवेदनमा सर्वाेच्चले बुधबार आदेश सुनाएको हो ।
Copyright © All right reserved to webtvkhabar.com Site By: Sobij
