वेबटिभी खबर
काठमाडौं । शिक्षक सेवा आयोगले प्राथमिक, निम्न माध्यमिक र माध्यमिक तहमा १७ हजार ४५५ शिक्षक पदका लागि विज्ञापन आह्वान गर्दा दुई लाख बढीकाे आवदेन परेकाे छ ।
आयोगका सूचना अधिकारी सुर्दशन मरहठ्ठाले अहिलेसम्म दुई लाख ३४ हजार ५६२ जनाको आवेदन परेको आइतबार वेबटिभी खबरलाई जानकारी दिए । प्राविधिक कारणले रोकिएका केही आवेदन संख्या थपिन सक्ने भएपनि हालसम्मको आवेदन परेको यकिन संख्या भने यही रहेको उनको भनाइ छ ।
सबैभन्दा धेरै आवेदन प्राथमिक तहका लागि परेको छ । आवेदन परेको जम्मा संख्याको करिव आधा संख्या प्राथमिक तहको मात्रै रहेको उनले बताए ।
प्राविका लागि १ लाख १३ हजार ३६९ जना व्यक्तिले आवेदन दिएको सूचना अधिकारी मरहठ्ठाले बताए । आयोगले प्राथमिक तहका लागि १३ हजार २९७ जनाको विज्ञापन आह्वान गरेको थियाे ।
त्यसपछि सबैभन्दा धेरै निमाविमा तहका लागि आवेदन परेका छ । निमाविका लागि ८५ हजार ६४८ जना व्यक्तिले आवेदन दिएका छन् । निमाविका लागि आयोगले २ हजार ६०६ पदका लागि विज्ञापन आह्वान गरेको छ ।
सबैभन्दा थोरै आवेदन मावि तहका लागि परेको छ । आयोगले मावि तहका लागि १ हजार ५५२ जना शिक्षक पदमा विज्ञापन आह्वान गरेकोमा ३५ हजार ५४५ जना व्यक्तिले आवेदन दिएको सूचना अधिकारी मरहठ्ठाले बताए ।
Copyright © All right reserved to webtvkhabar.com Site By: Sobij
