वेबटिभी खबर
कालिकोट । दश वर्षमा कालीकोटको जनसंख्या करिव ८ हजारले वृद्धि भएको छ । राष्ट्रिय जनगणना २०७८ को प्रारम्भिक नतिजाअनुसार जिल्लाको जनसंख्या १ लाख ४४ हजार ९१७ रहेको छ भने यसअघि २०६८ सालमा १ लाख ३६ हजार ९४८ थियो । जिल्लाको वार्षिक जनसंख्या वृद्धिदर ०.५४ प्रतिशत छ ।
नतिजाअनुसार जिल्लाका ९ वटा स्थानीय तहमध्ये सबैभन्दा कम नरहरिनाथ गाउँपालिकाको जनसंख्यामा रहेको छ । सो गाउँपालिकामा २०६८ सालमा २४ हजार १४२ जनसंख्या रहेकामा अहिले २२ हजार ४१४ देखिएको छ ।
जिल्लाको खाँडाचक्र नगरपालिका भने जनसंख्या वृद्धि भएको छ । २०६८ सालमा २० हजार ६१८ जनसंख्या रहेको सो नगरपालिकामा अहिले झन्डै ३ हजार वृद्धि भएर २३ हजार ३३६ पुगेको छ ।
त्यस्तै, शुभकालिकामा १३ हजार ९००, महावैमा ८ हजार ३३४, पचालझरनमा १३ हजार ६८३, पलाँतमा १७ हजार ६५८, सान्नी त्रिवेणी गाउँपालिकामा १२ हजार ८६४, रास्कोट र तिलागुफा नगरपालिकामा क्रमशः १६ हजार ४६९ र १६ हजार २५९ जनसंख्या रहेको छ ।
Copyright © All right reserved to webtvkhabar.com Site By: Sobij
