वेबटिभी खबर
मुम्बई । महाराष्ट्र राज्यमा पर्ने अमरावती जिल्लाको वर्धा नदीमा डुंगा पल्टिँदा ११ जना डुबेका छन् । डुबेकामध्ये ३ जनाको शव फेला परेको छ भने ८ जना बेपत्ता भएका छन् ।
दुर्घटनामा पर्ने सबैजना एकै परिवारका रहेको प्रहरीले जनाएको छ । बेपत्ताको खोजी कार्य जारी रहेको छ । प्रहरीका अनुसार ज्यान गुमाउनेमा एक नाबालिका पनि रहेकी छन् ।
दुर्घटना अमरावतीको हतराना गाउँमा बिहान १० बजे भएको थियो । नदी किनारमा धार्मिक अनुष्ठानपछि परिवार डुंगामा नदी तर्दै गरेका वेला दुर्घटना भएको थियो ।
Copyright © All right reserved to webtvkhabar.com Site By: Sobij
