एजेन्सी – आगामी बर्ष कतारमा हुने फिफा विश्वकप फुटबलको छनोट खेलमा साविक विजेता फ्रान्स बराबरीमा रोकिएको छ । १० खेलाडीमा समेटिएको फ्रान्स घरेलु मैदानमा बोस्निया एन्ड हर्ज गोभिनासँग १–१ गोलको बराबरीमा रोकिएको हो ।
स्टेट डि ला मिनाउ स्टार्सवर्गमा बुधबार राति भएको खेलमा बोस्नियाका इडेन जेकोले गोल गर्दा घरेलु टोलीका एन्टोइन ग्रिजमनले बराबरी गोल फर्काएका थिए ।
प्रतिस्पर्धात्मक खेलको ३६औं मिनेटम इडेन जेकोको गोलबाट बोस्नियाले अग्रता लिएको थियो । त्यसको चार मिनेटपछि नै एन्टोइन ग्रिजमनले गोल गर्दै खेललाई १–१ गोलको बराबरीमा ल्याए ।
५१ औं मिनेटमा फ्रान्स १० खेलाडीमा समेटिन पुग्यो । सिड कोलासिनाकमाथि फउल गरेपछि रेफ्रीले भिएआरको सहायता लिदै जुलेस कोउन्डेलाई रातो कार्ड देखाउँदै मैदान बाहिर पठाएका थिए ।
त्यसपछि फ्रान्सले बराबरीलाई जोगाउन सफल हुदा बोस्नियाले फ्रान्स १० खेलाडीमा समेटिएको फाइदा उठाउन सकेन ।
यो बराबरीपछि समूह ‘डी’ मा अपराजित रहेको फ्रान्स ४ खेलबाट ८ अंक जोडेर शीर्षस्थानम रहेको छ । बोस्निया २ अंक जोडेर चौथो स्थानमा रहेको छ । युक्रेन ४ अंकसहित दोस्रो स्थानमा रहँदा समान २ अंक नै रहँदा फिनल्यान्ड तेस्रो तथा काजकस्तान पाँचौ स्थानमा रहेको छ ।
Copyright © All right reserved to webtvkhabar.com Site By: Sobij
