वेबटिभी खबर
नयाँ दिल्ली । दुई दिनयता भारतमा कोरोना सक्रमित फेरि बढ्न थालेका छन् ।
गत २४ घण्टामा कोरोना भाइरस संक्रमित भएको नयाँ बिरामी ३६ हजार ४०१ जना थपिएको भारतको केन्द्रीय स्वास्थ्य मन्त्रालयले जनाएको छ ।
सोमबार भारतमा दैनिक थपिने नयाँ संक्रमित २५ हजार मात्र थियो । तर मंगलबार र बुधाबार यो संख्यामा १० हजारका दरले बृद्धि भएको छ ।
तर सुखद पक्ष संक्रमित हुनेको तुलनामा निको हुने दर भने बढी छ । यो अवधिमा ३९ हजार १५७ जना संक्रमित निको भएका छन् । जसले गर्दा सक्रिय संक्रमितको संख्या भने लगातार घटेको छ ।
हाल भारतमा तीन लाख ६४ हजार १२९ जना सक्रिय संक्रमित छन् । सक्रिय संक्रमितको यो संख्या १४९ दिन यताकै सबैभन्दा कम हो । अहिले भारतमा संक्रमणमुक्त हुने दर ९७.५३ प्रतिशत पुगेको छ ।
हालसम्म भारतमा ५६ करोड ६४ लाखलाई खोप लगाइसकिएको छ । खोप अभियान तीब्र बनाएसँगै कोरोनाको दोस्रो लहरबाट सर्वाधिक प्रभावित भारतमा अहिले संक्रमित कम हुँदै गएका छन् ।
Copyright © All right reserved to webtvkhabar.com Site By: Sobij
