![सभामुखले गरे प्रतिनिधिसभा बैठककक्ष अवलोकन [फोटोहरू]](https://ww.webtvkhabar.com/media-file/images/2021/03/1614673947-hXbNT.jpg)
काठमाडौं । प्रतिनिधिसभाका सभामुख अग्निप्रसाद सापकोटाले प्रतिनिधिसभाको बैठककक्ष अवलोकन गरेका छन् । १७ गते सोमबार बसेको मन्त्रिपरिषद् बैठकले २३ गते प्रतिनिधिसभाको अधिवेशन बोलाउनका लागि राष्ट्रपतिसमक्ष सिफरिस गरेको थियो ।
पुस ५ मा प्रधानमन्त्री ओलीले संसद अपदस्थ गरेपछि सर्वोच्च अदालतको उनको कदमलाई बदर गर्दै आगामी १३ दिनभित्र प्रतिनिधिसभा सुरू गर्न फैसला गरेको थियो ।
सर्वोच्चको फैसलापछि वीरेन्द्र अन्तर्राष्ट्रिय सम्मेलन केन्द्रमा रहेको प्रतिनिधि सभाको बैठककक्षको आवश्यक सरसफाइ गरी बैठकका लागि तयारी गरिएको छ ।
‘सभामुखज्यूले २३ गते बस्ने प्रतिनिधिसभाको बैठककक्षको अवलोकन गर्नुभएको छ,’ सभामुख सापकोटाका प्रेस संयोजक श्रीधर न्यौपानेले वेवटिभी खबरलाई जानकारी दिए ।
अब बस्ने बैठकमा नेपाल कम्युनिस्ट पार्टीको पुष्पकमल दाहाल ‘प्रचण्ड’-माधवकुमार नेपाल समूह र प्रधानमन्त्रीसमेत रहेका पार्टीका अध्यक्ष केपी शर्मा ओली बैठकको पहिलो एकै लहरमा बस्ने तालिका रहेको प्रतिनिधिसभा सचिवालयले बताएको छ ।
Copyright © All right reserved to webtvkhabar.com Site By: Sobij
