वेबटिभी खबर
काठमाडौं । सरकारले गत तीन वर्षमा ३५० जना गर्भवती तथा सुत्केरी महिलाको हेलिकाेप्टरमार्फत उद्धार गरेको छ ।
राष्ट्रिय मानवअधिकार आयोगको तथ्यांकअनुसार दुर्गम क्षेत्रका ज्यान जोखिममा परेका गर्भवती तथा सुत्केरी महिलाहरूको हवाई उद्धार भएको हो ।
तथ्यांकअनुसार आर्थिक वर्ष २०७६/०७७ मा ८७ जना गर्भवती तथा सुत्केरीको हवाई उद्धार भएको छ ।
२०७७/०७८ मा १०३ जना र आ.व २०७८/७९ को जेठ मसान्तसम्म १६० जनाको उद्धार गरेको हो ।
आयोगले गत आर्थिक वर्षको वार्षिक प्रतिवेदन राष्ट्रपति विद्यादेवी भण्डारीसमक्ष पेस गरिसकेको छ ।
बुधबार आयोगले वार्षिक प्रतिवेदन पेस गरेको जनाएको छ ।
Copyright © All right reserved to webtvkhabar.com Site By: Sobij
